ВМРО-ДПМНЕ: Власта сака да го заташка случајот „Рекет“

Русковска од ден во ден докажува дека е пиoн на Заев. Пуштањето на Зоран Милески - Кичеец од притвор покажува дека власта има премолчен договор околу решавање на случајот Рекет, со покривање на трагите кои водат до Зоран Заев, се вели во денешната реакција на ВМРО-ДПМНЕ.

„Да не беше меѓународниот притисок во однос на случајот Рекет, ниту ќе се покренеше истрага, ниту рекетарите ќе беа во притвор. Русковска ја заташкуваше истрагата и кога не ја притвораше Јанева цел месец откако ги притвори Зоки Кичеец и Боки 13 и остави доволно време таа да влијае на доказите и сведоците. Сега повторно си игра со правдата и го пушта Зоки Кичеец од притвор после два месеци, а луѓе без никакво дело ги држеше во истражен затвор многу подолго.

Самиот факт што криминалци за кои видовме видео снимки како изнесуваат торба полна со пари добиени од рекет се пуштаат во куќен притвор кажува дека власта сака да го заташка случајот.

Русковска нема за цел да го расветли случајот Рекет и да дојде до вистинските нарачатели на милионскиот рекет, туку има за цел заштита на функционерите од власта и Зоран Заев лично кои се врвот на криминалниот октопод.

Поигрувањето на Русковска со правдата е повеќе од доволен аргумент зошто е потребно ЈО, кое ќе биде финансиски и кадровски независно од власта.

Со Русковска на чело на ЈО за гонење на организиран криминал и корупција и со Заев на чело на државата правда нема да има.

Потребна е смена на СДСМ. Потребни се предвремени парламентарни избори час поскоро. Доаѓа време за обнова на Македонија“, соопшти ВМРО-ДПМНЕ.

Ајде од понеделник да се посветиме сериозно на „носење на Европа" во нашата држава.

повеќе

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе