Соопштение

ВМРО-ДПМНЕ: Владата предводена од СДСМ за само два месеци вработила 4.131 партиски војник

Криминалите, злоупотребите и неспособноста на СДСМ по институциите секојдневно се откриваат, велат од ВМРО-ДПМНЕ. 

Лазе Евридики, наградениот началник на организиран криминал кој со службен шофер си ја развозуваше ќерката по грчките кампови, не бил единствениот што ги злоупотребувал полициските возила, обвинуваат од ВМРО-ДПМНЕ.

Криминалите, злоупотребите и неспособноста на СДСМ по институциите секојдневно се откриваат.

Кај СДСМ владее страв дека преку делувањето на техничките министри и заменици министри ќе излезат на виделина сите манипулации кои овие три години беа реализирани по наредба на Зоран Заев.

Затоа СДСМ на секаков начин се обидува да ги опструира техничките министри и замениците предложени од ВМРО-ДПМНЕ кои треба да ја гарантираат професионалноста на институциите.

Вчера целата јавност виде дека разни соработници на Спасовски и Заев си ги користеле службените возила на МВР за приватни потреби. Апсурдот да биде поголем, расипништвото и алчноста за нешто што не е нивно јавно го демонстрираат и одбиваат да ги вратат.

На виделина излезе и дека Владата предводена од СДСМ за само два месеци вработила 4.131 партиски војник. Со оваа изборна корупција Зоран Заев сака да го намали поразот, надевајќи се дека ќе избегне одговорност за сторените криминали, велат од партијата. 

На виделина излезе дека и БДП по жител во Македонија е за шест пати помал од просекот на Европската Унија. Зоран Заев ветуваше просечен економски раст од 5%, но досегашниот раст во минативе три години достигна просек од ниски 2,3%  и со тоа темпо ќе ни требаат најмалку 50 години за да го достигнеме просекот на ЕУ.

На виделина излезе дека има 11.514 нерешени барања за надоместок за помош и нега од друго лице. Ова говори дека Владата и МТСП претходно проблемите на граѓаните ги ставале под тепих. Семејствата чекаат помош, а не ја добиваат.

На виделина излезе дека од земјоделци се барале партиски книшки за да им бидат исплатени субвенции.

Опструкциите и ниските удари на оваа Влада нема да ја продолжат политичката кариера на Зоран Заев. Крајот е близу, граѓаните на 12-ти април ќе изберат обнова на Македонија, стои во соопштението од ВМРО-ДПМНЕ.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе