ВМРО-ДПМНЕ: Владата да им ги врати парите на граѓаните кои се вакцинираа во странство

Граѓаните по вина на Заев и Филипче направија трошоци за пат до вакцинални пунктови во соседните земји затоа владата да им ги рефундира потрошените средства за вакцинација надвор од земјава.  Неспособноста на Филипче и Заев резултира со тоа околу 20 илјади граѓани викендов да се ревакцинираат, а некои и вакцинираат против корона главно во Србија, некои и во Бугарија, се вели во денешното соопштение на ВМРО-ДПМНЕ.

„Во меѓувреме, во Македонија три дена вакциналните пунктови беа под клуч. Се разбира дека ќе се под клуч кога има само вакцини за оние кои треба да се ревакцинираат, но нема за лица кои сакаат, ама и треба да се вакцинираат.

А зошто Филипче би мислел дали граѓаните се вакцинирани, кога ќе стекнат имунитет, што во пресрет на евентуалниот четврти бран, па тој си има работа. Филипче си ангажира по-ар, си плаќа од парите на народот за да му кажат како да се изрекламира, дека треба во личната промоција да вклучи и некое дете. Срамота!

За разлика од СДСМ, ВМРО-ДПМНЕ е тука исклучиво за граѓаните, затоа предлагаме Владата да ги компензира трошоците на македонските граѓани кои одат на вакцинација надвор од Македонија.

Сите граѓани на Македонија кои плаќаат даноци тука, плаќаат здравствено осигурување тука, а имаат дополнителни трошоци за пат до вакциналните пунктови во соседните земји, трошоците да им ги рефундира Владата.

Тоа се трошоци настанати по вина на Филипче и Заев, затоа и треба да си ги платат.

Доста Филипче и Заев мислат само на својата екипа и ги делат граѓаните, граѓани од прв ред и граѓани од втор ред. Да ставиме крај на поделбите на СДСМ и Заев, на граѓани од прв и граѓани од втор ред“, соопшти ВМРО-ДПМНЕ.

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе