ВМРО-ДПМНЕ: Вчера секој трет тестиран имал ковид, Филипче преземи одговорност

Една третина од тестираните во текот на вчерашното деноноќие се позитивни на ковид. Тоа значи дека секој трет тестиран имал ковид. Филипче целосно потфрли, се вели во денешното соопштение на ВМРО-ДПМНЕ.

„Хаосот кој го живееме е резултат на неспособноста и незаинтересираноста на Венко Филипче. Го преспа цело лето, а не направи ниту еден нов болнички капацитет, не го зголеми медицинскиот персонал, ниту пак набави вакцина против сезонски грип. Есенскиот бран на ковид го фати целосно неспремен Филипче, иако самиот тврдеше дека на есен вирусот ќе биде појак, ништо не презема.

Лошиот менаџмент со системот допринесе Македонија да е една од земјите на врвот во Европа по заразени на милион жители, но и починати. Ова е жално и трагично. Се што направи Филипче е вперување на прстот за вина кон граѓаните.

Граѓаните сега се виновни за неговата неспособност. Филипче, не се виновни граѓаните. Преземи одговорност и дај оставка веднаш“, соопшти ВМРО-ДПМНЕ.

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе