Реакција

ВМРО-ДПМНЕ: СДСМ продолжува да ги лаже граѓаните, сиромаштијата е сѐ поголема

Власта предводена од СДСМ и понатаму продолжува да ги лаже граѓаните дека обезбедува економски раст во државата. Откако тие се на власт над 500.000 граѓани живеат под прагот на сиромаштија и граѓаните едвај врзуваат крај со крај. Околу 18.500 граѓани си заминале од државата, од кои 8.000 не се ни вратиле, се вели во реакцијата на ВМРО-ДПМНЕ на соопштението на СДСМ.

„Нема просечна плата од 500 евра, нема повисоки пензии како што СДСМ ветуваше во предизборието.

Доказ дека оваа власт не работи ништо е фактот што фирмите во Република Македонија уплатиле за 32% помалку данок на добивка во вториот квартал од 2019 година во однос на истиот квартал од претходната година, а во услови на проектиран раст од 3,5% кај приходите од овој данок за цела 2019 година.   

Единствено нешто што граѓаните добија од оваа криминална власт на чело со Зоран Заев е покачена акциза на нафтата, поскапо гориво и нула капитални инвестиции.

Сето ова покажува дека на Македонија ѝ се потребни предвремени парламентарни избори. ВМРО-ДПМНЕ ќе ја формира новата влада и ќе овозможи граѓаните на оваа држава да живеат подобро“, се вели во реакцијата на ВМРО-ДПМНЕ.

 

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе