ВМРО-ДПМНЕ раскрсти со Арсовска, „нека ѝ е на здравје коалицијата со антимакедонската и дезертерска СДС“

Арсовска веќе нема никаква врска со ВМРО ДПМНЕ, на здравје коалиција со антимакедонската и дезертерска СДС која ѝ плаќа билборди и спотови. СДС ги плаќа билбордите и видеата на Арсовска, коалиција дезертерска темелена на уцени и бизнис интереси. Не поминаа неколку дена се покажаа вистинските мотиви на Арсовска, тајните средби со дезертерот Ковачевски и Зечевиќ имаат ефект, тие ѝ ги плаќаат билбордите низ Скопје, за политичка пропаганда, се вели во денешното соопштение на ВМРО-ДПМНЕ.

„Арсовска наместо да работи се занимава со политиканство, одработува затоа што е уценета. Арсовска свесно го загрози проектот за прочистителна станица на реката Вардар. Таа спротивно од препораките и правилата на ЕИБ и ЕБОР сакаше да менува комисија во тек на постапка.

Заради Арсовска е загрозен проектот за прочистителна станица за Скопје, а намалена е и довербата на градот, како институција во очите на странските кредитори и даватели на грантови.

И наместо да се фати за работа, Арсовска во коалиција со СДС смислува кампања и се фрлаат народни пари за билборди и спотови во ек на криза. Народот го гледа лицемерието на СДС и Арсовска и тоа ќе го казни“, соопшти ВМРО-ДПМНЕ.