ВМРО-ДПМНЕ: Неспособна власт, македонските компании пропаѓаат, народот тоне во сиромаштија

Власта на трајно неспособниот Ковачевски предизвика економска и енергетска катастрофа. Во последните две години домашното производство на електрична енергија е намалено за еден терават часови. Тоа ја направи Македонија најзависната земја во регионот која увезува една третина од своите потреби. Поради недоволното производство и скапиот увоз домаќинствата за неколку години плаќаат 50% поскапена струја, а компаниите дури за 500%, соопшти ВМРО-ДПМНЕ.

„Ова се одразува погубно и за стандардот на граѓаните и за стопанството. Македонските компании се помалку конкурентни, бидејќи плаќаат најскапа струја од сите компании во регионот. Затоа за една и пол година дури 12 илјади компании ставија клуч на врата, а само во јули една четвртина од фирмите немаа исплатено на време плати на своите вработени. Ова се одрази на економската активност. Па така првиот квартал го завршивме со рекордно најнизок раст во споредба со регионот со само 2,8%, што е два до три пати пониско од растот на БДП во другите земји.

Граѓаните пак од друга страна се соочуваат со рекордна стапка на инфлација која достигна до 16%, што е најмногу во регионот и една од највисоките во Европа. Оваа стапка на инфлација е дури двојно повисока од европскиот просек. Тоа значи дека во голема мера е предизвикана од домашни фактори и од неспособноста на власта. Основните животни потреби, како храната и горивата  се поскапени за 50 до 100%. Ако до пред некој месец околу половина милион жители на Македонија беа во сиромаштија со 150 денари на ден, сега таа бројка веројатно е далеку повисока.

Најстрашното од сѐ е што оваа власт предводена од неспособниот дезертер Ковачевски не презема ништо да им помогне на граѓаните. Наместо конкретна помош, клептоманската власт парите ги троши на октоподи, кафиња, службени возила, прослави, мебел, вработување на балдази, сопруги, фризерки, матни тендери и слични дубари. Ова мора да престане. Оваа власт мора да си замине“, соопшти ВМРО-ДПМНЕ.

 

 

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе