ВМРО-ДПМНЕ: Македонското образование тоне поради неспособноста на власта

Оваа школска година не започна на време поради штрајкот на просветните работници кои ги бараат заслужените повисоки плати. Ветувањето за повисоки плати во образованието се покажа само како уште една ноторна лага на СДСМ, се вели во денешното соопштение на ВМРО-ДПМНЕ.

„Учениците првиот школски ден не го поминаа на училиште туку дома, а кога тргнаа на училиште беа пречекани од стари и искинати учебници кои оваа власт не ги замени со нови. Поголемиот дел од училиштата ширум државата се руинирани. Учениците го стекнуваат образованието во катастрофални услови, тоалетите не работат, крововите прокиснуваат, нема ниту греење во зимските денови, ниту ладење кога температурите се високи.

Криминалната банда на власт на чело со аболицираниот Заев ги излажа граѓаните. Во програмата за живот ветуваа за 50 проценти повисоки средства за образованието и науката, а секоја година со секој нов ребаланс ги кратат средствата наменети за образование.

Власта не само што нема капацитет да го реализира планираниот буџет за образование, туку и она малку што е определено за оваа ставка во буџетот го крати.

Младите се иднината, а криминалната банда со ваквата негрижа, неработа и неспособност ги демотивира младите кои во се поголем број носат одлука да ја напуштат државата. Тоа значи дека власта не само што ги уништува стандардите во образованието, таа ја уништува и се откажува од иднината на нашата држава. Казната за ова ќе стигне на следните избори, а ќе биде испорачана од македонските граѓани“, соопшти ВМРО-ДПМНЕ.

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе

ЕУ треба принципиелно да реагира на отворениот национал-шовинизам на бугарскиот парламент, се вели во отвореното писмо на македонски академици и професори до европретставниците во Македонија.

повеќе