Партиска реакција по судско рочиште

ВМРО-ДПМНЕ: Боки 13 потврди дека матните зделки се кај Зоран Заев и Вице Заев

„Вчерашното сведочење на обвинетиот Бојан Јовановски во случајот Меѓународен сојуз потврди дека Зоран Заев стои зад секоја матна зделка и корупција во Македонија. Впрочем ова уште еднаш покажува дека сите рекетирани пари во Македонија треба да се бараат кај Зоран и Вице Заеви“, реагира преку соопштение ВМРО-ДПМНЕ и му порачува на поранешниот премиер дека правдата е бавно, но дека ќе пристигне.

„Ако имаше правна држава после вчерашните тврдења на Јовановски, Обвинителството ќе го повикаше на распит Зоран Заев да одговори каква била неговата улога во спорната зделка меѓу бизнисмените и Меѓународниот сојуз. Како што сведочеше обвинетиот Јовановски, за оваа зделка знаеле Зоран Заев, Александар Кирацовски и Стефан Богоев. Како што изјавил и бизнисменот Амзовски, ваквите зделки ги правел само затоа што политичари од власта тоа му го советувале. Сведоштвата потврдуваат дека Зоран Заев знаел за работењето на Меѓународниот сојуз, кој сега е предмет на судски прогон, бил добро информиран и давал поддршка активностите“, велат од ВМРО-ДПМНЕ.

Според партијата, ова значи дека сите активности за кои сега се товари Меѓународниот сојуз биле правени под покровителство на Зоран Заев.

Но, обвинителството и судството во Македонија се ставени под канџите на Заев и не смеат да ја истражат неговата улога, смета партијата и додава дека секое споменување на неговото име во судница е строго забрането, а секое обвинение кое се поврзува со него завршува или во фиока или со нова „аболиција"

„Заев треба да знае дека правдата можеби е бавна, но ќе пристигне“, порачува ВМРО-ДПМНЕ.

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе