ВМРО-ДПМНЕ бара две недели онлајн настава за учениците од четврто до деветто одделение

ВМРО-ДПМНЕ побара од Владата да ја преиспита одлуката за физичко присуство во второто полугодие и две недели онлајн настава за учениците од 4 до 9 одделение.

„Со оглед на одлуката дека учениците од 1 февруари ќе тргнат на училиште со физичко присуство, бараме Владата, Комисијата за заразни болести, а и министерот за образование и наука да ја преиспитаат одлуката. Бројките на заразени со ковид-19 вирусот се високи, а високи се и потребите од болничко лекување. Медиумите соопштија дека ќе треба повторно отворање на ковид центрите (според изјавите на стручњаците), а се објави и дека детските оддели се преполни, а Систина планира отворање на детски ковид центар.

Предлагаме 2 недели онлајн настава на учениците од 4-то до 9-то одделение со активно следење на епидемиолошката ситуација и настава со физичко присуство на учениците од 1 до 3-то одделение со следење на епидемиолошката состојба во Македонија и училиштата. За најмладите ученици предлагаме физичко присуство, за да се избегнат дополнителни мерки, кои се неопходни за чување на децата (ослободување на родител од работни обврски), а кои влијаат на економијата на државата“, пишува во соопштението од партијата.

 

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе