СДСМ

Васев: Од Мицкоски само порази и лажни вести

Изминаа три години откако Христијан Мицкоски ја предводи ВМРО-ДПМНЕ. Порази од граѓаните, демантирани лажни вести и обиди за одбрана на криминалот преку деструкции се единствените достигнувања во овие три години на Мицкоски како шеф на ВМРО-ДПМНЕ, изјави денеска Стефан Васев од СДСМ.

„Христијан Мицкоски беше поразен како носител на советничката листа на ВМРО-ДПМНЕ за Град Скопје на локалните избори во 2017 година. Во 2018 беше поразена неговата деструкција околу референдумот. Во 2019 неговата кандидатка за претседател беше поразена на претседателски избори, а тој ги загуби и предвремените локални избори за градоначалник на општините Охрид и Ново Село.

На 15 јули Мицкоски загуби на предвремените парламентарни избори, а пред само неколку денови во Штип беа поразени неговите деструктивни и неодговорни политики.

Освен поразите Мицкоски за овие три години ќе биде запаметен и по лажните вести што свесно ги ширеше. Мицкоски лажеше дека мигранти ќе се населувале низ македонските градови, лажеше дека ќе се редефинира уставниот поредок, ги плашеше граѓаните со вртоглави инфлации, од почетокот на коронавирусот лажеше дека немало доволно тестови, дека немало заштитна опрема, дека над 100.000 луѓе останеле без работа.

Лажеше Мицкоски и дека во Софија ни се распарчува државата, дека ги губиме македонскиот јазик и македонскиот идентитет. Ништо од тоа не е вистина.

Три години Мицкоски на чело на ВМРО-ДПМНЕ, три години порази, лаги и деструкција. Ниту еден проект, ниту една идеја што е во интерес на граѓаните и државата.

Затоа нека не се чуди зошто е во опозиција. Со вакво однесување уште долго ќе остане таму“, изјави Стефан Васев од СДСМ.

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе