ТМРО: Кој сега ќе ја истражува организираната криминална бизнис-елита во судството?

Чудно е како помина во јавноста неотповикливата оставка на престедателката на Судскиот совет заради притисоци од судската бизнис елита. Кога првиот човек на судската фела јавно се повлекува заради притисоци од судската бизнис елита, тогаш е јасно дека 8% доверба во криминогениот правосуден апарат не се случајни и Македонија не случајно е држава каде не владее правото, туку истото е во рацете на сериозна криминогена структура, соопшти ТМРО.

„Не очекуваме министерот за правда да каже ни еден збор, ниту обвинителството да реагира и барем по допрен глас да се заинтересира кои се тие бизнис елити во судството, зошто метастазата е длабоко и во обвинителството. Но, очекуваме МВР, секторот за организиран криминал да реагираат. Еве можност и амбасадата на САД, канцеларијата на ЕУ, ОБСЕ... да се позанимаваат со јавно изречената присутност за организирана криминална бизнис елита во судството.