Стоилковски: Заев ја обесчести и обезличи Македонија

Зградата со адреса Илинденска број 2 во Скопје, осамна без буквите Влада на Република Македонија. Ги слушнавте зборовите на Зоран Заев за странските медиуми. Слушнавте како вели кога влегувате во оваа Влада пишува Влада на Република Македонија. Но, денеска ги нема буквите што значи дека Македонија е обесчестена, Македонија е обезличена, изјави денеска Наум Стоилковски, портпарол на ВМРО-ДПМНЕ.

„Денеска, согласно зборовите на Зоран Заев, Македонија е обезличена, Македонија е обесчестена и не држи она оправдување за знамето на НАТО, бидејќи знамето на НАТО се вееше пред Владата на Република Македонија и додека на неа стоеја светите букви Влада на Република Македонија.

Заев ја обесчести државата и дома и надвор. Неговата изјава која ја видовме и неговото делување денеска е срамно. Што и да одговори Заев денеска, дадената оценка останува: Тој ја обесчести, ја обезличи државата. Заев се колнеше во дедо, татко, деца дека додека дише, додека го дише овој македонски воздух, нема да чепка по името и Уставот.

Го слушнавте Зоран Заев каде што вели дека додека дише додека го дише овој македонски воздух и додека го држи паметот, не верува дека некој ќе се појави во македонскиот парламент и ќе бара промена на Уставот со цел промена на уставното име. Зоран Заев сам излезе пред пратениците во Парламентот и бараше промена на името, сам бараше промена на Уставот со цел промена на уставното име.

Заев повторно ветува сѐ и сешто, додека ги продава националните и државните интереси, а криминалот царува во секоја пора на општеството. Ова е истиот Зоран Заев кој бега од избори, бега од соочување со вистината, бега од соочување со граѓаните. Бега и се крие во концептот „едно општество за картелот“. Заев лаже за економијата, за здравството, за образованието, лаже за младите, за вработувања за странски инвестиции“, изјави Наум Стоилковски, портпарол на ВМРО-ДПМНЕ.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе