Советниците на ВМРО-ДПМНЕ нема да учествуваат во работата на Аеродром, бараат слобда за Митевски

Советничката група на ВМРО-ДПМНЕ и коалицијата во општина Аеродром вчера ја напуштија седницата на Советот и најавија дека нема да учествуваат во работата на Советот сѐ додека власта спроведува политички прогони кон свои политички противници и неистомисленици. 

„Македонија е единствена држава во демократска Европа која во 21 век во своите затвори има политички затвореници. Притворањето на претседателот на општинскиот комитет на ВМРО-ДПМНЕ Аеродром Дејан Митевски е уште една потврда за политичкиот прогон во нашата држава кој го спроведува Зоран Заев.

Сведоци сме на огромни скандали околу случајот „Рекет“ кој со месеци се развлекува, а неосновано повеќемина членови на ВМРО-ДПМНЕ веќе неколку месеци се во притвор.

Советничката група на ВМРО-ДПМНЕ ќе ги напушта и следните седници на советот на општина Аеродром сѐ додека Дејан Митевски е неосновано обвинет и во притвор во Шутка“, изјави Пане Антовски, координатор на советничка група на ВМРО-ДПМНЕ во Советот на општина Аеродром.

Дејан Митевски е притворен уште во јуни за злоупотреба на службената должност како поранешен вработен во Министерството за транспорт и врски. Притворањето на Митевски се однесува на четири договори за оттуѓување на градежно земјиште во сопственост на државата.

ВМРО-ДПМНЕ уште тогаш реагираше и соопшти дека власта е исплашена и во паника притвора и прогонува функционери на партијата. „Обвинителството на Зоран Заев вчера од чисто политички мотиви ги уапси Димитар Димовски член на ИК на ВМРО-ДПМНЕ, кој ја објави аферата за насилникот Курто Дудуш, и Дејан Митески, претседател на ОК на ВМРО-ДПМНЕ во Аеродром, кој и нанесе тежок пораз на власта во оваа скопска општина. Со политичкиот прогон врз Димовски, Митевски, Јанакиески и останатите, Зоран Заев не може да го покрие разочарувањето и катастрофата која секојдневно им ја приредува на граѓаните. Димитар и Дејан се уапсени и малтретирани затоа што не и се плашат на власта, затоа што јавно ги обелоденуваат криминалите на СДСМ”, соопшти тогаш ВМРО-ДПМНЕ.

 

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе