Реакција

Солза Грчева: Министер во владата на Заев не пријавил обид за голем поткуп

Министерот Горан Милевски на 26 јануари во емисијата „Само вистина“ на ТВ Канал 5, во живо и пред целата јавност изјави дека во 2014 година кога беше избран за пратеник (и тогаш и сега во улога на службено лице) му бил понуден поткуп во износ помеѓу 100 и 300 илјади евра за да влезе во Собранието, а кој тој наводно го одбил. Непријавувањето на поткупот е кривично дело по чл. 363 и чл. 364 од Кривичниот законик, за што му следува парична казна или казна затвор од 1-3 години, се вели во денешното соопштение на Солза Грчева, претседателка на партијата Глас за Македонија.

На 26 јануари во студиото на Канал 5 гостуваа Грчева и Милевски.

„Истовремено, Милевски направи дрски инсинуации на моја сметка, за што ќе поднесам приватна тужба за клевета според чл. 172 од КЗ. Правниот тим на Глас за Македонија официјално ќе достави допис до Основното јавно обвинителство - Скопје, а и до ДКСК, како иницијатива за официјална проверка на неговите јавно искажани наводи. Ова многу кажува и за моралниот интегритет на еден висок владин службеник, кој сите ние го плаќаме од народни пари. Ќе бараме ОЈО – Скопје да го испита целиот случај со понудениот поткуп на министерот во Владата на Зоран Заев, Горан Милевски.

Секојдневно сме сведоци на криминални случаи во кои се инволвирани владини и други државни службеници, нивни роднини и пријатели, случаи кои на крајот завршуваат без разрешница. Прикривањето на криминалот, како во овој случај, е најголемата закана за правната држава и е промоција на неказнивост, што стана евидентна одлика на Владата чиј висок функционер е посочениот министер“, се вели во соопштението на Грчева.

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе