Реакција

СДСМ за пишувањето на Ла верита: ВМРО-ДПМНЕ преку медиуми блиски до нив конструира непостоечки случаи

Безидејната ВМРО-ДПМНЕ партијата олицетворение на лаги, измислици и монтирани случаи во недостиг на идеи и програма, продолжува со обидите за манипулација преку конструирани случаи, реагира СДСМ на пишувањето на италијанскиот весник „Ла верита”.

„ВМРО-ДПМНЕ нема ништо освен фабрикувани случаи од времето на режимот и заробената држава кога Зоран Заев им беше главна мета на измислици и монтирани случаи.

Не само што изборите во 2014 ги украде Никола Груевски, туку и обвинителството под целосна контрола на ВМРО-ДПМНЕ не презело никакви дејствија. Наводите дека Зоран Заев бил вмешан во изборни нерегуларности во 2014 година им паѓаат во вода, затоа што ако навистина било така обвинителството под контрола на ВМРО-ДПМНЕ веднаш ќе го процесирало.

Изборите во 2014 година се симбол на изборните кражби на ВМРО-ДПМНЕ и почеток на политичката криза која заврши со пад на Груевски. Од објавените материјали јаавноста јасно виде како ВМРО-ДПМНЕ правеле изборни кражби, преку штанцање лични карти, кражба на изборни материјали, гласање на починати лица се само дел од изборните нерегуларности кои ги правеше ВМРО-ДПМНЕ во 2014 а за кои јавноста слушна преку ‘Вистината за Македонија’.

Денес, ВМРО-ДПМНЕ преку медиуми блиски до нив, со силни конекции со кадрите на ВМРО-ДПМНЕ како Андреј Лепавцов и Ѓорге Иванов, очајно се обидува да конструира непостоечки случаи”, пишува во реакцијата од СДСМ. 

 

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе