Реакција

СДСМ: ВМРО-ДПМНЕ да не бега од дебата и да се откаже од крвавите сценарија на проруската Левица и Алијанса

Собранието е место за дебата и одлука околу заклучоците за европскиот предлог, а Христијан Мицкоски покажува дека сака да избега од собраниската јавна дебата, реагира СДСМ на изјавата на координаторот на пратеничката група на ВМРО-ДПМНЕ, Никола Мицевски.

„Тоа што ВМРО-ДПМНЕ и Мицкоски бегаат од дебата за вакво важно прашања за иднината на нашите граѓани и нашата држава покажува дека се плашат од вистината, се плашат дека ќе пропаднат сите негови лаги и измислици. 

Со последниот европски предлог имаме чист македонски јазик во ЕУ, без додавки и фусноти, македонскиот идентитет е целосно заштитен , а историските прашања не се дел од преговарачкиот процес. 

ВМРО-ДПМНЕ да не бега туку да учествува во дебатата во Собранието, а дотогаш да се откаже од блокадите, деструкциите и крвавите сценарија со проруската Левица и Алијанса, кои не им успеаја”, пишува во реакцијата од СДСМ. 

Од партијата порачуваат дека пратениците од сите политички партии имаат одговорност да работат за граѓаните, а не за нечии туѓи интереси, и да обезбедат европска иднина на државата со зачуван македонски идентитет.

 

Предложеното законско решение се фокусира на аудиовизуелниот/радиодифузниот сектор, игнорирајќи ги последниве две децении на развој на дигиталниот домен и на интернет, со сите негови позитивни и негативни страни.

повеќе

Според последното истражување на организацијата ПИНА, базирано врз анкети направени со 103 новинарки, 24,1% од новинарките добиле закани за физичко насилство, а 19,5% и закани по животот.

повеќе