СДСМ: Создадовме силна економија, извозот во првите четири месеци од годинава е зголемен за 16 отсто

По години економска стагнација и осиромашување на граѓаните, за само две години со мерките кои ги презема Владата предводена од СДСМ, се постигна раздвижување на економијата и забележлив економски раст. За две години создадовме силна економија која нуди шанса за сите, се вели во соопштението на СДСМ.

„Последните податоци покажуваат зголемување на извозот за 16 проценти во првите месеци од оваа година споредбено со лани. Во бруто изност тоа се 290 милиони евра повеќе.

Од минусното салдо од -1.8 отсто во вториот квартал на 2017 година, успешните економски политики придонесоа за раст на БДП од 3,7 отсто во четвртиот квартал од 2018 година.

20 нови странски инвестиции влегоа во државава  за само две години, а во 2018 забележан е  рекорден износ на странски директни инвестиции од 624,5 милиони евра.

Вкупно 26.600 нови работни места од кои околу 1.000 во производствените погони на странските инвестиции се отворија само во 2018 година.

Реализација на активните мерки за вработување на Владата предводена од СДСМ придонесоа стапката на невработеност да опадне на рекордно ниски 19,4 отсто за 2 години.

За две години просечната плата е поголема за 2.000 денари.

Ова се само дел од економските параметри кои потврдуваат дека економијата се движи во нагорна линнија. Имаме силна економија, а парите се враќаат назад кај граѓаните“, соопшти СДСМ.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе