СДСМ: Социјалните работници добиваат повисоки плати за над 4.300 денари

Владата продолжува со реализација на реформите со кои се унапредува социјалната заштита и условите за работа на стручниот кадар, се пофали СДСМ во денешното соопштение.

„Покрај растот на платите на вработените во градинките за 16 отсто, односно за над 3.000 денари, растат и платите на социјалните работници и останатите даватели на услуги во секторот социјална заштита.

Почнувајќи од јунската плата во секторот социјална заштита платите се зголемуваат во просек за 22 отсто, односно за 4.367 денари во нето износ во пресек по вработен. Со ова зголемување, самостоен стручен работник зема за 4.316 денари повисока плата, односно нето платата расте од 23.196 на 27.512 денари.

Зголемувањето на платите се прави согласно Законот за вработените во јавниот сектор и со него се опфатени 1.170 од вкупно 1.531 вработени, односно 76,5 отсто.

Покрај  ова зголемување на платите, следува уште едно во месец септември во висина од 5 отсто, со што вработените во секторот социјална заштита оваа година ќе имаат за 27 отсто повисоки плати“, пишува во соопштението од СДСМ.

 

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе