СДСМ: Со зголемувањето на платите во културата се исправа уште една неправда

Владата предводена од СДСМ продолжува со вистинска грижа и обезбедување повисоки плати за сите граѓани, се пофали СДСМ во денешното соопштение.

„Со одлука на Владата за нивелација на платите на вработените во институциите од областа на културата, 2.899 лица вработени во културата ќе имаат зголемени плати, почнувајќи од платата за април 2019 година.

Со нивелацијата на платите се опфатени сите вработени во културата, односно вработените во националните установи и вработените во локалните установи од областа на културата, што значи дека дури околу 80 отсто од вработените од областа на културата ќе имаат повисоки плати“, се вели во партиското соопштение.

Со ова, според партијата, се исправа долгогодишна неправда кон вработените во одредени институции кои добиваат различни плати за исти работни места со исти работни обврски.

„Трендот на раст на платите продолжува, Владата предводена од СДСМ останува посветена на подигање на стандардот во културата и обезбедување повисоки плати и повеќе пари во секое семејство“, се додава во соопштението.

 

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе