СДСМ: Растот на БДП и на извозот покажуваат дека економијата е стабилна

Бројни статистички податоци и економски параметри потврдуваат дека економијата е стабилна и подготвена за справување со сите предизвици.  Бруто-домашниот производ бележи раст од три отсто во третото тромесечје, се вели во денешното соопштение на СДСМ.

„Бележиме и сериозен раст на извозот кој во периодот јануари - октомври е зголемен за 29% во споредба со истиот период од 2020 година. Сите овие официјални податоци ја покажуваат успешноста на економските мерки и политики на Владата предводена од СДСМ. 

СДСМ како одговорна партија која се грижи за граѓаните, преку институциите што ги предводи, континуирано презема мерки кои значат заштита и подобрување на економскиот стандард на граѓаните.

Во таа насока е и владината одлука за замрзнување на цените на основните продукти до 31 јануари 2022 година. Покрај цените на лебот, брашното, зејтинот, млекото, сирењето и сувомеснатите производи, се замрзнува и цената на оризот, јајцата и тестенините. И во 2022 ќе продолжи да расте минималната плата, за што веќе се договара со синдикатите и бизнис секторот, а ќе продолжи и зголемувањето на пензиите, со цел обезбедување повеќе пари во семејните буџети и подобрување на квалитетот на животот.

По однос на енергетската криза и најавеното зголемување на цената на струја, државата е подготвена да им помогне на најранливите категории граѓани, преку субвенционирање на сметките за струја. 

Како одговорна партија продолжуваме да обезбедуваме повеќе пари кај граѓаните, продолжуваме со реализација на мерки што значат вистинска грижа за сите граѓани“, соопшти СДСМ. 

 

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе