СДСМ: работиме на подобар животен стандард за граѓаните

Успешните економски политики што ги креира и реализира СДСМ даваат позитивни резултати и во време на најтешката глобална здравствена и економска криза, предизвикана од пандемијата со коронавирусот, пишува во денешното соопштение од владејачката партија.

„Просечната плата во државата на годишно ниво бележи раст од 7%, односно 1.800 денари, покажаа официјалните податоци на државниот завод за статистика. Според истиот извор, просечната плата во ноември 2019 година изнесувала 25.787 денари, а во истиот месец 2020 година е зголемена на 27.588 денари“, велат од СДСМ и додаваат дека се работи за подобар животен стандард за граѓаните, создавање услови за рестарт на економијата и уште побрз раст на платите.