СДСМ: Продолжуваат сериозните разговори за формирање парламентарно мнозинство

СДСМ, како предводник на коалицијата „Можеме“, со освоени најмногу пратенички места во Собранието го доби мандатот за состав на нова демократска, политичка, одговорна Влада, со институции кои уште повеќе и уште подобро ќе им служат на граѓаните.
Процесот на сериозни разговори за формирање стабилно парламентарно мнозинство кое треба да осигура нова влада со полн четири годишен мандат продолжува, велат од партијата во денешното соопштение.

„Пред македонското Собрание ќе биде испорачан предлог за Влада составена од квалитетни, одговорни и отчетни кадри, решена и која силно ќе се бори со криминалот и корупцијата на сите нивоа, а особено внимание ќе биде посветено на прочистување на правосудството и на проверката на потекло на пари кај секој функционер.
Програмата на Владата во најголема мера ќе биде посветена на новата македонска економија каде главните принципи се платите и пензиите да продолжат да растат, да вложуваме во младите и во рамномерниот регионален развој, да водиме посебна и уште поголема грижа за најсиромашните граѓани и да даваме постојана поддршка на домашно стопанство“, се наведува во соопштението.
Од СДСМ најавуваат влада која го следи јасниот правец за кој е определено големото мнозинство граѓани, европскот пат, патот на економијата и правдата, патот до просперитет и долгорочна стабилност, влада која не знае за скршнување од патот кој после членството во НАТО води до членство во Европската Унија.
„Во изминатиот период успеавме да донесеме големи одлуки, да ги решиме отворените прашања. Следува период кога ќе се посветиме на работа дома“, додаваат од партијата.

 

 

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе