Реакција

СДСМ: Понудата на ВМРО-ДПМНЕ е враќање во мрачното минато на политички прогони

ВМРО ДПМНЕ ревносно продолжува по стапките и политиките на Никола Груевски, ширејќи омраза, црнила и закани. Нивната визија и политичка понуда е враќање на мрачното минато кога имаше политички прогони, кога бевме скарани со сите соседи и кога бевме блокирани во ЕУ и НАТО. Знаеме како ваквите закани во минатото ги чувствуваа Кежаровски, Љубе Бошковски, Ване Цветанов и многумина други жртви на режимот, се вели во реакцијата на СДСМ на изјавата на потпретседателот на ВМРО-ДПМНЕ Александар Николовски.

„Граѓаните не се плашат повеќе од репресијата на ВМРО ДПМНЕ и нивниот почесен претседател од Будимпешта, осуден криминалец. Граѓаните и државата одлучно и храбро решија  да одат напред!  Им кажаа НЕ на таквите  политики. Ниту една закана на Николоски не може да го ослободи ВМРО од сите злодела сторени во мрачните 11 години на нивниот режим кој граѓаните го испратија во мрачната историја на повеќе избори во изминатите три години. Денес, за само две години, одиме напред, станавме политички стабилни, „светол пример“ во целиот регион, го заземаме нашето место во НАТО, имаме рекордно ниво на странски директни инвестиции, платите растат, земјава се развива. 

Враќање назад во мрачното минато нема. Заедно учествуваме во градењето на современа, европска држава Република Северна Македонија составен дел од големата сцена на демократскиот свет, дел од ЕУ и НАТО“, се вели во реакцијата на СДСМ.

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе

Нема пазар доколку нема информации. Дајте ги информациите за пазарот на грозје.

повеќе