Реакција

СДСМ: Мицкоски покажува дека нема државнички капацитет

За вакво исклучително важно прашање, од највисок државен и национален интерес,  Христијан Мицкоски  покажува дека нема државнички капацитет ниту основно чувство за државност, се вели во реакцијата на СДСМ по синоќешното обраќање на лидерот на ВМРО-ДПМНЕ за новиот француски предлог.

„Оттука, СДСМ нема да навлегува во сите изнесени невистини и неодоговорно пласирани небулози од страна на Мицкоски.

Сите лажни тврдења на Мицкоски и ВМРО-ДПМНЕ потонаа. Се покажа дека Владата и премиерот Димитар Ковачевски доследно се држеа до државните позиции во однос на преговорите со Бугарија во секој поглед и го штитат националниот интерес и македонскиот национален идентитет.

Ветивме дека ќе се избориме да ги задржиме клучните црвени линии кои со месеци ги повторуваме. Целосно го исполнуваме ветеното.

Во модифицираниот предлогот имаме чист македонски јазик и историски прашања надвор од рамката.

Ветивме дека ќе има широк консултативен процес тогаш кога ќе имаме предлог кој е вреден за таква дебата. Сега е тоа време и како што ветивме го започнуваме. Секако дека денеска ќе бидат изнесени детали за предлогот кој е доставен вчера.

Владата водеше мудра дипломатија, а кога дојде време транспарентно излегува во јавноста.  Сето ова е резултат на добрата стратегија и позиции кои јасно ги постави премиерот Ковачевски.

Во консултациите треба да бидеме уште помудри, да го заокружиме овој процес кој е од исклучително значење за иднината на државата и идните генерации.

СДСМ ги повикува сите општествени чинители, сите политички партии, да се вклучат во консултациите и заедно да ја донесеме одлуката“, соопшти СДСМ.

 

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе