СДСМ бара оставка од пратеникот Стевананџија-се заканува со бесилки и шири говор на омраза

Владејачкиот Социјалдемократски сојуз на Македонија денеска побара оставка од пратеникот на ВМРО-ДПМНЕ, Димитар Стевананџија, кој според нив, шири говор на омраза и на социјалните мрежи се заканува со бесилки.

„Како што им станува јасно на ВМРО-ДПМНЕ дека не можат да ги одбранат криминалците, така сѐ повеќе расте нервозата во белиот дворец. Пратеникот на ВМРО-ДПМНЕ, Димитар Стевананџија на социјалната мрежа Твитер во комуникација со граѓаните, отворено се заканува со бесилки и шири говор на омраза што е недозволиво за човек што треба да ги претставува граѓаните во Собранието.

Стеванаџија бесрамно и скандалозно шири говор на омраза и заплашува граѓани со бесилка, само затоа што некои од имаат различни ставови од него. Таквото однесување на Димитар Стевананџија покажува дека не достоен да ја извршува функцијата пратеник и затоа тој мора веднаш да си поднесе оставка“, се вели во соопштението од СДСМ.

Од партијата повикуваат за овој случај да се произнесе и претседателот на Собранието, Талат Џафери, а пратеничките групи, особено на ВМРО-ДПМНЕ да го осудат ваквото однесување на нивниот пратеник Стевананџија.

СДСМ, како што се додава, осудува каков било вид на закани, уцени и притисоци заради јавно искажан став.

„Тоа е недозволиво во држава што негува демократски вредности, а особено загрижувачки е што таквите закани доаѓаат од страна на членови на највисокиот законодавен дом“, велат од СДСМ.

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе