Македонско здравство во мировна мисија

Пендаровски им посака успех на членовите на медицинскиот тим кои ќе лекуваат во Кабул

Претседателот Стево Пендаровски денеска го прими шестчлениот медицински тим од јавното и военото здравство, тројца доктори хирурзи и три медицински сестри, којшто ќе биде упатен во мировната мисија „Одлучна поддршка" во Авганистан, од март до септември годинава и ќе работи во рамки на норвешката болница во Кабул.

Претседателот и шеф на вооружените сили Пендаровски им посака успех во мисијата и изрази уверување дека нејзината реализација е значаен чекор кон формирањето на хируршки тим којшто ќе биде на располагање на НАТО, обврска којашто Република Северна Македонија како членка на Алијансата треба да ја исполни до 2028 година.