Реакција

ОМД: Северна Македонија не е нашата Татковина

Обединетата македонска дијаспора (ОМД) преку соопштение реагираше на усвојувањето на уставните измени и прифаќањето на името Република Северна Македонија, нарекувајќи го „насилие зад превезот на демократијата”.

„Со евидентно насилие прикриено зад превезот на демократијата, уставните измени предвидени со Преспанскиот Договор со кој Република Северна Македонија се издига врз падот на Република Македонија, остварија дво-третинско мнозинство од 81 глас ‘за’ во третата финална фаза на 75-тата седница во Собранието на Република Македонија. 

Додека меѓупартиското тргување со амнестии, меѓународните притисоци и бескомрпомисното самоволие на власта испорачаа резултат во сечиј интерес освен македонскиот, Обединетата Македонска Дијаспора (ОМД) потсетува дека земја без идентитет, интегритет и суверенитет не подлежи на просперитет, а најмалку не на евро-атлантски”, пишува во реакцијата на ОМД. 

Претседателот на ОМД, Методија Колоски рече дека денес е историски ден за Македонија, но не поради стапувањето во сила на Преспанскиот Договор, туку поради „издвојување на македонскиот народ како единствен народ кој се самоукинал и самоволно се откажал од фундаменталното право на самоопределување“. 

Според претседавачот на ОМД, Стојан Николов, пак, порано или подоцна,  вистината и правдата ги стигнуваат оние кои им пркосат. 

„Битката е изгубена, меѓутоа борбата допрва почнува. Имаме должост да ја пренесеме македонската историја и идентитет до идните генерации, како тие би можеле да го повратат она што ние го изгубивме денес. Секогаш Република Македонија, Никогаш Северна!“, порача Николов.

 

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе