ВМРО-ДПМНЕ

Николов: Тендерот за нов клинички центар ја ограничува конкуренцијата на пазарот

Триото Заев-Дончев-Филипче продолжуваат да го деградираат здравствениот систем. Од новиот Клинички центар нема абер, а стариот се распаѓа. Кога се распишуваше тендерот за новиот клинички центар во вредност од половина милијарда евра, предупредивме дека станува збор за најголемата кражба во независна Македонија. Помина месец дена откако трае и рокот за доставување понуди. Самите компании кои се заинтересирани,  најдоа забелешки. Незавршен тендер и во истиот има и многу фалинки, изјави Игор Николов, член на ИК на ВМРО-ДПМНЕ.

Игор Николов

„Една од заинтересираните фирми поднесе жалба до Државната комисија за жалби по јавни набавки. Оваа државна институција му вели на министерот за здравство, Венко Филипче, тендерот не чини, треба да се смени како што кажуваме. Заклучокот е дека тендерот и условите во тендерот ја ограничуваат конкуренцијата на пазарот.

И веќе има и епилог. Државната комисија за жалби по јавни набавки постапувајќи по службена должност согласно Законот за јавните набавки утврди постоење на битни повреди. Комисијата утврди дека  делови од тендерската документација, не се во согласност со Законот и истата води до дискриминација на фирмите или ограничување на пазарна конкуренција.

И сега бидејќи се покажа дека Министерството за здравство и министерот Филипче не сакаат да ги направат тендерите според правните норми, Државната комисија им објаснува што треба да направат. До 20-ти месецов, сѐ уште траат роковите за измени на фаличниот тендер, Филипче треба и да го промени, според сугестиите на Државната комисија за жалби по јавни набавки. Од Министерството за здравство се должни се да одговорат дали со новиот Клинички центар планираат да направат и нов МЕГА Глобал, но овој пат во Скопје“, рече Николов.

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе