Дијаспора

ММДЧП бара одбрана на Македонија од македонските политичари

Македонското меѓународно движење за човекови права од Торонто смета дека на 19 октомври се одржало уште едно нелегално заседание на македонското Собрание на кое пратениците од опозицијата, со особен фокус на жените, беа задржани во законодавниот дом од страна на владата на Зоран Заев, инсталирана ода САД, при што беа уценувани, поткупувани и заплашувани со затворски казни. Тоа се случуваше сѐ дододека не се согласија да ги следат наредбите и да го сменат името на Македонија, нејзиниот идентитет, историја, и идентитетот на милиони Македонци низ целиот свет, се вели во соопштението на ММДЧП.

„Оваа брутална политика ѝ е наметната на Македонија од страна на САД и ЕУ со цел да  се задоволи Грција, која пак ветува дека ќе се откаже од своето право на вето за да дозволи отпочнување на преговори за потенцијално членство на Република Македонија во ЕУ и НАТО.
Западот можеше да го укине правото на вето на една земја во НАТО и ЕУ, или едноставно да ѝ наложи на Грција да не го користи своето право на вето. Но, Западот избра да ја нападне земјата со политичари кои докажаа дека не се способни да се бранат себе си.
За разлика од македонските политичари, Македонците веќе се на нозе и бараат нашите човекови права и правото на самоопределување да се брани одлучно.
За Западот - или ќе ги браните принципите кои тврдите дека ги почитувате, или ќе бидете соучесници во уништувањето на цела една етничка група. Нашето име е Македонија и никој нема право да го менува“, се вели во соопштението на Македонското меѓународно движење за човекови права.
 

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе