Левица: Уставниот суд да го укине Законот за јазици и да стави крај на спроведувањето на „тиранската платформа“

Политичката партија Левица, по првично поднесената претставка во февруари до Уствниот суд против илегалниот т.н. Закон за двојазичност, објавен без потпис од претседателот на РМ, деновиве поднесе ургенција до претседателот на судот со која се бара повратна информација зошто и по осум месеци од поднесувањето не е постапено по нашата иницијатива.

Во Деловникот на Уставниот суд се предвидува итност во постапувањето во случаите кога е побарана времена мерка.

„Објавениот нацрт-документ за мислењето на Венециската комисија, која отпосле го мониторираше нормативниот текст на „законот“, само се потврдува она што ние го тврдевме цело време во текот на носењето на овој контроверзен и противуставен „закон“: дека тој неразумно ги надминува европските стандарди за заштита на националните малцинства и наметнува нереални и материјално скапи обврски, особено за судскиот систем, кој патем речено треба да се регулира со 2/3, а не со апсолутно мнозинство гласови во парламентот. Таканаречениот Закон за двојазичност, кој е експанзионистички изблик на албанскиот национализам заради враќање во живот на криминалната партија ДУИ, и спроведува про-форма наместо суштинска заштита на албанското малцинство, дополнително ја дели нацијата по етничка основа и го подрива граѓанскиот карактер на државата – поради што е штетен за соживотот и негувањето на добрите меѓуетнички односи. Наместо да го издигнува просперитетот на општеството како целина, овој „закон“ само ја засилува илузијата дека Македонците не им даваат нешто на Албанците и дека Албанците им одземаат нешто на Македонците, замаглувајќи ја вистината дека бизнис-партиите и корумпираните елити се тие што добиваат сѐ, на наша заедничка сметка! Зад сите овие партии од т.н. „македонски“ или „албански“ блок стојат бизнис-елитите и западните бирократи, а не народот, кој е крајно разочаран и со нетрпение го очекува нивниот пад од политичката сцена. Како прогресивна партија, Левица ќе продолжи да ги користи сите правни и политички механизми кои ни стојат на располагање за да не дозволиме шверцување на туѓи платформи под превезот на божемна заштита на малцинските права! Ова ќе го правиме сè додека не ја одземеме политичката моќ на буржујските партии и, практикувајќи го правото на самоопределување, ќе ја вратиме истата во рацете на народот, како неприкосновен носител на суверенитетот на Републиката“, соопшти Левица.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе