Реакција

Левица: Кога ќе ја освоиме власта Топлификација ќе се врати во рацете на народот

Државните институции останаа неми на информацијата дека компанијата „Адора“ на бизнисменот Ванчо Чифлиганец го купила имотот на „Топлификација“ за 9,3 милиони евра, иако контролата над стопанисувањето со природните монополи не смее да припаѓа на никој друг освен на државата, реагираат од Левица. 

Според партијата, катастрофалните неолиберални политики на минатите власти доведоа до приватизација на природниот (државен) монопол во снабдување со топлинска енергија - АД „Топлификација“.

„Овој чекор немаше никаква економска логика, туку напротив резултираше со одлевање на огромни финансиски средства во приватни џебови, поскапување и влошување на услугите. Во годините што следеа, приватната компанија Балкан Енерџи Груп (БЕГ) оствари огромна заработка, не само од тековното работење туку и од измислени судски процеси против граѓаните. Илјадници граѓани беа приморани со години да се влечат по судови, бидејќи од нив се бараше да плаќаат сметки за затоплување, иако тие веќе не биле поврзани со мрежата за греење. Судовите редовно пресудуваа на штета на граѓаните, на кои им беше наложувано да ги платат ‘долговите’ кон оваа компанија, без притоа да се води сметка за нивната моментална материјална состојба”, се невадува во соопштението. 

Оттаму додаваат дека ваквите неправди ќе продолжат се додека природните монополи и другите услуги од јавен интерес се во приватни раце. Меѓутоа, покрај тоа што се неправедни, приватизациите на природните монополи се и економски нерационални. 

„Недозволиво е Чифлиганец или кој било приватен интерес да поседува природен монопол во државата. Државата мора да го врати во јавна сопственост она што му припаѓа на народот. Во спротивно, богатењето на поединци како Чифлиганец ќе продолжи на сметка на граѓаните, односно парите ќе продолжат да се прелеваат од народот кон алчни и корумирани поединци”, велат од Левица. 

Приоритет на Левица, како што пишува во реакцијата, по освојувањето на власт ќе биде национализацијата на „Топлификација“ и сите други природни монополи и јавни ресурси кои се од стратешко значење за државата, како и кривично гонење на сите оние кои биле вклучени во процеси на нивно нелегетимно отуѓување од народот. 

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе