Левица бара итен прекин на преговорите со Бугарија

По шовинистичката изјава на бугарскиот премиер Кирил Петков за македонското малцинство во Бугарија бараме итен прекин на преговорите со оваа земја. Министерството за надворешни работи (МНР) итно да врачи протестна нота до Бугарија, а претседателот Стево Пендаровски да побара извинување од неговиот бугарски колега Румен Радев, се вели во соопштението на Левица.

„Очигледно е дека СДСМ и ДУИ ќе се борат до крај во намерата да ги дораспродадат националните интереси, без разлика на тоа кој партиципира во владиниот состав на делегитимираната Влада. По шовинистичката изјава на бугарскиот премиер Кирил Петков дека „за македонско малцинство во Бугарија дури не може ни да се зборува“, сведоци сме на апсолутно сервилно однесување и молк од сите државни институции кои имаат ингеренции во надворешната политика“, се наведува во партиското соопштение.

„Македонското МНР и неговата дипломатска служба, како државна институција чија основна надлежност се прашањата и проблемите со соседните држави, ова национално негирање и омаловажување го премолчеа. Од претседателот Стево Пендаровски, кој пред само неколку дена потврди средба со претставниците на Македонците од Бугарија (ОМО Илинден Пирин, партија која е забранета) и „де факто“ има заштитничка улога кон својот народ, засега нема никаква реакција.

Изнесениот став на министерот Бојан Маричиќ за прашањето на македонското малцинство во Бугарија е скандалозен.

Ваквото оркестрирано однесување (преку дејствување или недејствување) на македонските институции, само дополнително ја потврдува вазалската политика на владата без интегритет и укажува на нејзината спремност да потпише уште едно велепредавство на македонскиот народ. Водењето на неофашистичка дипломатија од бугарска страна никако не смее да се толерира. Новата владина гарнитура на Кирил Петков е продолжение на негаторските политики на Бугарија, заради кои постојат 16 пресуди од Европскиот суд за човекови права за кршење на човековите права на македонското малцинство во Бугарија. Молкот од Европската Унија и отсуството на притисок кон официјална Софија, при ваквите еклатантни негаторски политики, укажува на двојните аршини на европската бирократија. Додека европската дипломатија, со дозволени и недозволени средства во минатото изврши притисок врз Македонија за промена на Уставот (што доведе до бинационална држава) и промена на државното име, ЕУ не стави никакво условување за почитување на човековите права кога Бугарија стана држава-членка на ЕУ“, соопшти Левица и побара:
МНР итно да врачи протестна нота за изјавата на бугарскиот премиер;

Претседателот на републиката да побара извинување од својот бугарски колега за негирањето на македонската етничка заедница во Бугарија;
Итен прекин на преговорите со Бугарија, заради немање на легитимитет, интегритет и капацитет за водење на преговори од страна на македонската Влада.

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе