Глас за Македонија: Демократизацијата мора да почне со измени во изборниот модел

Македонија да биде една изборна единица со пропорционален модел, отворени листи за пратеници и низок изборен праг. На тој начин, помалите партии нема да ги губат, односно со Донтовиот модел дури и да ги подаруваат своите гласови на поголемите. Исто така, граѓаните ќе имаат можност да го одберат својот кандидат, наместо да гласаат за листа која ја прави лидерот на партијата, ставајќи свои партиски фаворити. Демократизацијата мора да почне на овој начин, а плуралниот простор кој е сега буквално заробен, ќе се збогати со нови идеи и луѓе, се вели во соопштението на Глас за Македонија.

„Треба да се промени и начинот на финансирање на партиите. Оној кој е сега на сила, ги исцрпува сите пари од буџетот во корист на големите 4 партии во Собранието. Нагласуваме дека се работи за вртоглаво високи суми кои се одлеваат од нашите џебови. Со 4,5 милиони евра годишно, се врши отворен поткуп на гласачите. Дури и скромната сума од 280.000 евра, предвидена во Изборниот законик за таканаречените аналитички центри на партиите, оди повторно само кај овие партии. Се прашуваме зошто, кога аналитички центри според статутот на партиите, имаат и други партии.

Бараме овие сегашни суми да се намалат барем на половина, а дел од парите наменети за големите партии, да одат за редовно сервисирање на скромните потреби на помалите, надвор од парламентарните партии. Во спротивно, не може да стане никогаш збор за „фер и демократски“ избори.

Големите партии чиј рејтинг секојдневно опаѓа, ја добија два пати својата заслужена лекција. Еднаш на референдумот од 30-ти септември 2018 и последно на претседателските избори. Тие водеа битка за цензус. Сѐ помал ќе биде бројот на избирачи кои ќе бидат мотивирани да гласаат. Затоа горе наведените промени мораат да се спроведат. Најважно, само на тој начин нема да бидеме уценети со крајно неприфатливи предлози кои се случуваат во пресрет на сите избори“, се вели во денешното соопштрение на Глас за Македонија.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе