ДС ги повикува СДСМ, ВМРО-ДПМНЕ и ДУИ да прифатат Македонија да биде една изборна единица

Демократскиот сојуз смета дека за демократизација на државата, зголемување на одговорноста на власта и демонтажа на триесет годишниот „еднопартиски систем", неопходни се системски промени, меѓу кои и изборниот модел.

Демократскиот сојуз е за пропорционален изборен модел, Македонија да биде една изборна единица и за отворени листи.

Анализата што ја подготви ДС покажува дека само со една изборна единица, составот на Парламентот ќе биде реален одраз на определбата на граѓаните, а во носењето на круцијалните одлуки за државата и граѓаните ќе партиципираат повеќе политички субјекти.

ДС ја подржува иницијативата на претседателот Стево Пендаровски за отворање на расправа за изборниот модел, но засега „големите” партии не се расположени да создадат услови за еднакви изборни шанси за сите и губење на нивната монополска положба.

Ги повикуваме СДСМ, ВМРО-ДПМНЕ и ДУИ да ја подржат иницијативата за промени во изборниот модел, соопшти ДС.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе