Демократски сојуз бара темелна истрага за увозот на отпад

Демократскиот сојуз инсистира на темелна истрага за увозот на отпад во Македонија во која треба да се вклучат службите за разузнавање и национална безбедност, МВР, како и Царинската управа и Министерството за животна средина, за да се расчисти дали во Македонија се увезува отпад за складирање или за горење. 

„Да се испита како и на кој начин се контролира увозот на отпад, дали на депониите во Македонија се складира отпад од увоз и кој врши анализа на отпадот, кои фирми користат гориво од отпад, дали има увоз на отпад под друга декларација, како и други битни елементи.
Аферата во Бугарија околу сомнителниот отпад од Италија, ја наметнува потребата од непосредна соработка со бугарските власти, меѓу другото, бидејќи како увозник се јавува фирма каде сопственички удел има и директорот на ЈП ‘Дрисла‘ каде се складира отпад.

Важно е да се провери и тоа дали директорот на ‘Дрисла‘, претпријатие кое извршува функција за граѓаните од исклучителен јавен интерес, може да има фирма за трговија со отпад дома или во странство. Натаму, инспекторите за животна средина треба да направат вонредна контрола и проверка на сето она што се складира и гори во депонијата ‘Дрисла‘, но и во други фирми кои користат отпад во процесот на производство (производство на челик, цемент и др.)“, се наведува во соопштението од Демократскиот сојуз.

Од партијата потсетуваат дека државните институции имаат обврска да ги штитат граѓаните од увоз, складирање и користење на штетен отпад, а не со изјави во јавноста да не замајуваат, дека увозот на отпад е од „кредибилни компании“ и слични флоскули, а зад сето тоа да се крие криминал со огромни суми.

Пандемијата со коронавирусот започна во време кога довербата во институциите беше на рекордно ниско ниво. 

повеќе

Најголемата закана од оружје засновано на ВИ не доаѓа од поединечни земји. Заканата ќе дојде од недржавни актери.

повеќе

Потребно е неодложно формирање на државен фонд кој ќе овозможи во прв момент преживување во оваа ситуација...

повеќе