Алијанса за Албанците реагира: И по 4 месеци нема одговорност за пожарот во модуларната болница во Тетово

Алијанса за Албанците преку соопштение до јавноста денеска потсети дека поминале четири месеци од трагедијата во тетовската модуларна болница, а сѐ уште никој не одговара за смртта на 14-те граѓани кои изгореа живи.

„Актуелниот режим уште од првите денови по трагедијата почна да ја крие вистината, трагите од злосторството и да ги исмева роднините на жртвите депонирајќи ги, а потоа отфрлајќи ги оставките. За да биде иронијата поголема, министерот и заменик министерот за здравство не беа разрешени кога живи изгореа 14 тетовци, туку кога требаше да се прават политички пазарења за да преживее режимот. Ова само го потврдува тоа што постојано го предупредувавме, дека власта на хибридниот режим е поважна од животот на граѓаните“, пишува во соопштението од Алијанса за Албанците.

Пожарот во модуларната болница во Тетово се случи на 8 септември, а во него животот го загубија 14 лица. Од нив 12 беа пациенти во болницата, а двајца роднини на пациенти, кои во моментот се нашле во болницата. Два дена по пожарот, оставки понудија директорите на болницата во Тетово, како и министерот и заменик-министерот за здравство, но тие не беа прифатени.

Постоењето на еден отпорен, одржлив и правичен систем на храна е нешто што мора да биде столб на секоја агенда која има за цел за климатско ублажување или адаптација.

повеќе

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе