Соопштенија

Тие кои имаат полна уста со реторика за интеграции и обвинувања кон другите за Русија, се демаскираа на најскандалозен начин. Во пресрет на 20-годишнината од нивната партија, претседателот на Собранието Талат Џафери прими делегација соработници на Рамазан Кадиров на 70-годишнината од таткото на прорускиот лидер. Сето ова се случи во Собранието на Северна Македонија, највисоката законодавна институција на земја членка на НАТО, се вели во реакцијата на Алијанса за Албанците по информациите дека Џафери лани примил делегација на на руската Чеченска Република.

И во услови на најголема економска и енергетска криза, СДСМ продолжува со политиката на покачување на платите и вреднување на трудот на работниците, преку отворен и инклузивен дијалог. Потврда дека само преку социјален дијалог може да се дојде до решение е постигнатата согласност меѓу Владата и СОНК за најголемо покачување на платите во образованието за 15 отсто, се вели во денешното соопштение на СДСМ.

СДСМ обвини дека „на опозицијата откако и пропадна деструктинвата идеја за блокирање на Собранието, невидените чекори кои ги најавуваше Мицкоски се сведоа на еден протест за еден месец од сега.

„Објавата на стапката на инфлација од 10,5% на годишна основа, ги потврди стравувањата дека инфлацијата излезе од контрола, а доцната реакција на носителите на економските политики, недоволната будност на оваа Влада дека треба навремено да се справи со предизвикот на енергетската криза и растот на цените, ѝ донесе на Македонија инфлација каква што не сме имале од 1995 година. Време е за избори", порачува ВМРО-ДПМНЕ.

„Пропаднаа обидите за блокада на Собранието од страна на пратениците на ВМРО-ДПМНЕ по налог на Христијан Мицкоски. Дневниот ред се усвои и Собранието продолжува со работа и покрај тоа што два дена се потрошија на нивните бесмислени предлози. Во време на најголема светска економска и енергетска криза, пратениците од ВМРО-ДПМНЕ заради лични интереси на Мицкоски го блокираат Собранието наместо да работат за граѓаните кои им дале доверба“, порачуваат од СДСМ.

„Данела Арсовска ги заборави граѓаните, нема бесплатен превоз, а во Шуто Оризари пак, и воопшто нема превоз. Три месеци Градот Скопје предводен од Арсовска и ВМРО-ДПМНЕ, им нема платено на приватните автобуски превозници и затоа од денеска тие повеќе не сообраќаат на редовните линии. Нема ден а на површина да не излезе неспособноста на градоначалничката на Град Скопје Данела Арсовска“, реагира СДСМ на веста дека приватните превозници во рамки на ЈСП веќе немаат пари да ги одржуваат автобуските линии кон Шуто Оризари. 

Градоначалникот на Гостивар Арбен Таравари, кој беше генерален секретар на Алијанса за Албанците, е назначен за потгпретседател на партијата. По неодамнешниот конгрес синоќа бил одржан првиот состанок на партиското претседателство на кој едногласно била донесена одлуката Алијанса за Албанците да има само еден потпретседател и таа функција му е доделена на Таравари. Алијанса за Албанците ќе објави конкурс за претседателите на партиските ограноци.