Посветеност кон животните во скопската Зоолошка

Жирафите Флопи, Каспер и Тебого јадат по 50 килограми јаболка дневно, за Василица добија специјален оброк

Флопи, Каспер и Тебого, трите жирафи од Зоолошката градина во Скопје, денес, на Василица, добија специјални лепчиња со нивната омилена храна. Нивниот дресер Ристе Трајковски, кој е со нив од самиот почеток, утрово им направи оброк со лепче на кое беа исечкани јаболка, кромид, праз, овес, пченка и јачмен.

Фотографијата со подготвениот оброк за трите жирафи Трајковски ја сподели и на Фејсбук, нарекувајќи ги свои „убавци" и на животните им посака да му се живи и здрави уште долго.

Трите животни во еден ден јадат 40 килограми јаболко, 20 килограми морков, 20 лепчиња, 5 килограми кромид, 3 килограми праз, 9 килограми палентирана храна, 9 килограми овес, 6 кила пченка, 6 кила јачмен и 3 бали детелина од по 20 килограми.

Вода пијат од специјално направени поилки, кои по потреба постојано им се дополнуваат со свежа вода. Флопи, Каспер и Тебого се стари 10 години, а во зоолошката во Скопје дојдоа кога имаа 3 години.

Зоолошката градина во Скопје веќе седма година по ред им е дом на овие убавци. Љубовта и емоциите што ги споделуваат со нивниот дресер Трајковски, кој е постојано со нив, беше прикажана и на фотографии што беа објавени како во македонските, така и во странските медиуми. Трајковски вели дека е многу поврзан со нив, а и тие со него.

„Тие се многу питоми и мили животни. Јас сум со нив од самиот почеток. Се галат буквално како деца и возвраќаат на моето внимание, кое неизмерно им го посветувам. Со задоволство ги чувам и едноставно ги обожавам, а и тие мене", вели Ристе Трајковски.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе