Зелен хуман град со предлози за развој на Скопје и подобра животна средина

Вкупно 31 проект за одржлив и праведен развој на градот, поднесоа вчера од иницијативата Зелен хуман град на Граѓанскиот буџетски форум што се одржа симболично на 13 Ноември, Денот на ослободувањето на Скопје.

Годинава, за разлика од претходниот Граѓански буџетски форум, вклучени беа и три најгласани предлози од платформата за директна демократија МојГрад. Вкупниот износ потребен за реализација на сите поднесени предлози од четиринаесет активистички групи е некаде околу една милијарда денари, што претставува една седмина од целосниот буџет на Град Скопје.

На самиот форум своите предлози ги образложија Ана Петровска, НаТочак, Хумани градови, ЕдуАктив Орг, Е.Д.Е.Н., Ајде Македонија, Мама Органа, Биди Зелен, Меѓаши, Мој Воздух, Културно Ехо, Ромалитико и Полио плус. Предлозите вклучуваат инвестирање во фотоволтаична централа; субвенции за фотоволтаични системи; обезбедување енергетска ефикасност на објектите под надлежност на Градот; довршување на Зелениот катастар и конципирање Стратегија за развој на зеленилото во Скопје што ќе послужат како основа за заштита на зеленилото при изработката на претстојниот Генерален урбанистички план на Скопје; локална хипермрежа од мерни станици за аерозагадување; противпожарна станица во Шуто Оризари; воспоставување општински биокомпостари; градска народна кујна; оптимизирање на велоинфраструктурата; изработка на стратешки документ Визија нула; редовен ден без автомобили; примарна селекција на пластика и хартија во домаќинствата; работилница за рециклирање на отпадна пластика; пасивни училишта; стратегии за лица со попреченост и за унапредување на правата на децата; студија за пренамена на напуштениот индустриски комплекс „Купрум“ во студентски град; урбани градини во училишта; субвенции за стерилизација/кастрација на (вдомени) бездомни животни; трансформација на скопската Зоолошка во центар за рехабилитација и конзервација на диви автохтони видови животни; заменување на коњите со еко-превозни средства; куќарки за бездомни животни.

Голем дел од предлозите беа доставени и на минатогодишниот Граѓански буџетски форум, но минатото раководство немаше никаков слух за нивна реализација иако доминантно се работи за зелени инвестиции со кои не само што ќе се влијае на намалување на сиромаштијата, туку  ќе се обезбеди повисок квалитет на живот во целина.

В понеделник, 15 ноември, советниците од Зелен хуман град, Драгана Велковска и Горјан Јовановски, ќе ги поднесат предлозите за зелено и хумано Скопје и официјално во писмена форма преку архивата на Град Скопје.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе