МИНИСТЕРСТВО ЗА ЗДРАВСТВО

За последните 30 дена регистрирани се три смртни случаи од бактеријата листерија

Кај седум лица било лабораториски потврдено присуството на бактеријата листерија, а тројца од нив умреле. Пет од пријавените случаи се со дијагноза листериозен менингитис или менинго енцефалитис. Има и две новородени деца со дијагноза листериозна сепса.

Според Министерството за здравство на Македонија еден од починатите е на возраст од 72 години, вториот случај е на 59 години и едно новородено дете.

Листериозата е бактериско заболување, кое најчесто настанува по внесување на храна контаминирана со бактеријата листерија, како што се месо, преработки од месо, непастеризирано млеко и млечни производи, недоволно измиено овошје и зеленчук, чадена риба... Листеријата се уништува со добра термичка обработка, со печена и варена храна (над 70 степени целзиусови). Кај здрави лица со подобар имунитет, заболувањето поминува со полесна клиничка слика, со стомачни проблеми, дијареа или симптоми слични на грип. Оваа бактерија најчесто се регистрира меѓу постари лица со намален имунитет, бремени жени и новородени деца. Кај нив може да предизвика сериозни компликации, како сепса, воспаление на мозочни обвивки (менинго енцефалит), воспаление на срцева обвивка (перикардит), воспаление на зглобови...

Во изминатите години не е пријавен случај на заболен каде причинител е листеријата. Заради превенирање на појава на нови случаи и ширење на заболувањето, Комисијата за заразни болести го соопштува следново:

„Центрите за јавно здравје направија теренски проширени епидемиолошки истражувања кај сите случаи со листериоза, посебно во однос на консумација на видовите храна во претходниот месец пред појава на симптомите.

Агенцијата за храна и ветеринарство (АХВ) се задолжи да изврши вонредни контроли во сите поголеми производствени погони за храна, магацини за чување и дистрибуција на храна со земање на мостри за анализа. За време на викендот и во текот на вчерашниот ден се земени 10 мостри од оператори со храна од месната индустрија и се доставени за анализа во ИЈЗ и Факултетот за ветеринарна медицина, а акцијата продолжува до крајот на неделата.

Исто така, АХВ е задолжена да изврши вонредни контроли на сите зелени пазари и при тоа секој вид на храна кој се чува во несоодветни услови да биде одземен. Акцијата е во тек.

ДСЗИ се задолжија да направат контрола над безбедноста на млекото наменето за доенчиња на одделенијата за неонатологија и педијатриски одделенија со земање на мостри за анализа. Во тек на денешниот ден се земени 10 мостри од млеко за доенчиња, кои се доставени за анализа во ИЈЗ и Факултетот за ветеринарна медицина. Акцијата продолжува до крајот на неделата.

По насока на Комисијата, земените мостри од надзорите паралелно се проверуваат во ИЈЗ и Факултетот за ветеринарна медицина.

ДСЗИ да поведе прекршочни постапки согласно закон против сите микробиолошки лаборатории, кои изолирале, а не пријавиле изолат на листерија“.

Еве и дел од препораките за населението и за лица со ризик и намален имунитет:

•         Темелно миење на рацете пред подготовка и пред консумација на храна и почесто миење на рацете за време на подготовка на храната.

•         Храната да се користи веднаш по подготвувањето, а доколку не се употреби веднаш, да се чува на температура од 2 до 8 степени Целзиусови (во фрижидер), и при повторна употреба да се загрее на температура над 70 степени Целзиусови.

•         Да не се консумира сирова или недоволно термички преработена храна, посебно месо и преработки од месо, непастеризирано млеко, млечни производи и јајца.

•         Сировата и подготвената храна да се чуваат во фрижидер одделно, во посебни заштитени садови, со што ќе се избегне можност за загадување на веќе подготвената храна.

•         Не оставајте подготвена храна на собна температура подолго од 1 час, односно подготвената храна ставете ја во фрижидер веднаш по користењето, каде препорачливо е да се чува максимум три дена и јадењето да не се подгрева повеќе од еднаш.

•         Свежиот зеленчук, овошјето и салатите потребно е темелно да се измијат под силен млаз вода - пред јадење, сецкање или готвење.

•         Во летен период избегнувајте лесно расиплива храна, како што се мајонези, кремови, сладолед од свежи и термички необработени јајца.

•         Да се консумира безбедна вода за пиење, а доколку не сте сигурни за нејзиниот квалитет, пред употреба задолжително да се преврие.

Посебни препораки за ризична група:

•         Кај бремените жени, лица со хронични болести, лица со намален имунитет, лица над 65 години и мали деца, потребно е поголемо внимание при консумација на храна во летниот период. Освен почитувањето на општите превентивни мерки, наменети за целото население, овие лица треба да ги почитуваат и следните препораки за заштита на здравјето:

•         Да избегнуваат користење непастеризирано млеко и млечни производи од непастеризирано млеко, како што се меки сирења, намази и сл.

•         Да се избегнува консумирање паштети, сувомесни производи, чадена риба и други чадени и термички необработени месни производи

•         Да се избегнува користење на претходно подготвени овошни и салати од зеленчук (термички необработени)

•         Да се избегнува консумирање сладолед, мајонез и кремови подготвени од свежи или недоволно термички обработени јајца.

•         За овие лица се препорачува користење на свежо приготвена храна во домашни услови.

Kога веќе треба да се држи комбинирана настава, колку и да е комплицирана таа „равенка“, во неа не смее да се забораваат децата кои учат онлајн.

повеќе

Под менторство на овој истраен истражувач, научник и педагог, се развивале и се формирале многумина трудбеници и афирматори на македонското културно наследство.

повеќе

Ковидот нема да нѐ победи. Да зборуваме за раст и развој, за подобар и забрзан раст, за паметен и зелен развој.

повеќе