Во тек е ревизија на претходното раководство, оформени повеќе предмети, најави Арсовска

Во тек е ревизија на работењето на претходното раководство на градот, најави градоначалничката на Град Скопје Данела Арсовска во вечерашното гостување во Трилинг на ТВ 24.

Таа посочи дека од досегашните наводи кои произлегле се оформени повеќе финални предмети и истите се доставуваат до надлежните институции.

„Ревизијата е веќе отпочната. Се што ќе биде детектирано, а е во насока на злоупотреба на службената должност ќе биде соодветно доставено до надлежните институции. Останува на институциите да одлучат во која насока и како ќе постапуваат по истите.“

За ребалансот на буџетот Арсовска истакна дека е отпочната постапка која трае до 45 дена за подготовки и анализа на тоа кои средства треба да се одвојат и пренаменат онаму каде што има потреба. Во овој момент се следи процесот на работа на јавните претпријатија и кои од нив генерираат поголеми долгувања, со оглед на тоа што цените на енергенсите драстично се зголемени.

„Автомобилите во сопственост на градот веќе не се користат надвор од работното време, исклучително само во службени цели. Воедно ги кратиме и сите непродуктивни трошоци и овие средства ги пренаменивме да се вратат кај граѓаните. Помагаме на ранливите категории граѓани, овозможуваме оброци на бездомните лица,“ изјави Арсовска.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе