ВМРО-ДПМНЕ го прашува Шилегов каде се 12,5 милиони евра од продажбата на градската куќа

Опозициската ВМРО-ДПМНЕ возврати на изјавите на скопскиот градоначалник Петре Шилегов и му порача кога се фали дека нешто набавил, нека се присети „дека да не беше ВМРО-ДПМНЕ сега уште ќе се возеа старите автобуси од пред 40 години по улиците на Скопје“.

Портпаролката Марија Митева повторно го праша Шилегов каде се 12,5 милиони евра од продажбата на градската куќа и наброи што сѐ било купено во времето на ВМРО-ДПМНЕ.

„Градските власти од ВМРО-ДПМНЕ купија 310 автобуси за ЈСП, или 3 пати повеќе од тоа што се фали Шилегов дека купил како возила за сите градски претпријатија. Петре Шилегов кога се фали дека додека е градоначалник претпријатијата под Град Скопје набавиле 130 возила треба да знае дека толку возила се набавени во времето на ВМРО-ДПМНЕ во само едно претпријатие. Додека за сите претпријатија во целост се набавени над 500 возила и механизација, односно 4 пати повеќе од тоа што Шилегов денес се фали“, изјави партиската портпаролка, Марија Митева.

Според неа, во времето додека ВМРО-ДПМНЕ управувала со Град Скопје набавени биле 100 возила само за ЈП „Комунална хигиена“, во чиј состав влегуваат камиони за собирање на смет, чистење и миење на улици, и тоа е најсовремена опрема каква што имаат и големите европски метрополи.

Митева наброи дека тогаш за ЈП „Улици и патишта“ биле купени 2 камиони четироосовинци, 2 ровокопачи, машина за нанесување на асфалт, неколку валјаци, камиони за пренесување на работници и алат, машини за залевање на пукнатини на асфалт, а во ЈП „Паркови и зеленило“ биле набавени 10-тина возила и над 50 косилки, како и тракторска косилка и камион за пресадување на дрва која е машина каква што претходно немало во државата.

„Десетици возила се купени и за ЈП ‘Градски паркинг‘ и за „Дрисла‘ каде се купени утоварувачи и  машини за пресирање на сметот. Ова е 4 пати повеќе од тоа што се фали Шилегов дека го купил. Тоа е разликата помеѓу ВМРО-ДПМНЕ и СДСМ 4:1“, додава Митева.

 

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе