ВМРО-ДПМНЕ бара преименувањето на скопските улици да се повлече од дневен ред и да има јавна расправа

Советничката група на ВМРО-ДПМНЕ во Град Скопје бара повлекување од дневниот ред на точката за преименување на улиците во Скопје и го обвинува градоначалникот Петре Шилегов за неработа и неспособност.

„Петре Шилегов гази по жртвата и по имињата на Митрополит Теодосиј Гологанов, на Борис Сарафов, на Христо Батанџиев, на Мајка Тереза, на Киро Глигоров и на Борис Трајковски. Со предлогот за преименување на улиците во градот Скопје прави апсурдни ситуации, предлага за имиња на улици странски претседатели, а го трга името на покојниот претседател Борис Трајковски“, изјави Јелена Жугиќ од советничката група на ВМРО-ДПМНЕ на протестот на Булеварот „Борис Трајковски“.

Објаснувајќи колку бил почитуван Трајковски, од кого се добил ордени и признанија и колку бил заслужен за  мирното разрешување на конфликтот во 2001 година, таа порача дека „Шилегов не смее да ја гази неговата посветеност, работа и жртва за Македонија“.

„Оттука уште еднаш го повикуваме Шилегов, повлечете ја точката за преименување на улиците од дневниот ред на утрешната седница на Советот на Град Скопје и немојте да газите врз луѓе кои животот го посветиле на Македонија. Воедно бараме да се спроведе и широка јавна расправа во која ќе биде вклучен и Институтот за историја и други релевантни чинители, како и општините во градот Скопје, кои не се воопшто прашани за предлогот на градоначалникот Шилегов“, изјави Жугиќ.

 

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе