Град Скопје

Средствата планирани за дочек на Нова година ќе се донираат на Клиниката за белодробни заболувања

Градоначалникот Петре Шилегов на денешната седница на Советот на Градот Скопје ја информира јавноста дека се откажува дочекот на Новата 2018 година, а средствата коишто беа планирани за организирање на дочекот ќе се донираат во добротворни цели на Клиниката за белодробни заболувања.

На расправата за првичните мерки за загадувањето,  Шилегов  истакна дека следејќи ги препораките  да не се одржуваат  средби на отворено, настанот се откажува и ги повика и спонзорите да ги донираат  средствата предвидени за прославата на оваа ноќ во добротворни цели.

„Ќе го повикам главниот спонзор Телеком да направиме напори тие средства да завршат таму кајшто се најпотребни“,  истакна Шилегов на денешната седница на Советот.

Ова е вторпат прославата за Нова година  да биде откажана, откако минатата година се донесе истата одлука од слични причини.

Предновогодишните празнични активности,(базар на ракотворби, дедомразовски трки, детска програма...) ќе се одржат и за тоа наскоро ќе ја информираме јавноста, информираа од Град Скопје.

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе