Што е предвидено со реконструкцијата блиску до плоштадот

Сквер Јадран ќе им служи на пешаците и велосипедистите, не на автомобилите

Сквер „Јадран“ се уредува со цел овој простор да биде во функција на пешаците и велосипедистите, а не да им служи на автомобилите. Ќе бидат поставени и паметни клупи кои ќе овозможат бесплатен интернет и полнење на мобилни уреди, а ќе биде засаден и нов дрворед со јапонски цреши. Ова денеска го соопштија градоначалниците на Скопје и на општината Центар.

Градежните работи за уредување на скверот „Јадран", во центарот на Скопје продолжуваат, а градоначалникот Петре Шилегов, кој таму даде изјави за медиумите, рече дека Градот ја поддржува оваа акција на општината Центар.

„Целта е овој простор да се уреди за да се овозможи повеќе простор за пешаците и велосипедистите, што е во согласност со стратегијата на Град Скопје. Централното градско подрачје треба да стане простор којшто ќе служи на потребите на граѓаните, а не на нивните автомобили", изјави Шилоегов.

Тој нагласи дека градежните работи се во насока и на тоа што во моментот го работи Градот на подрачјето познато како Мал ринг.

„Знаете како денес изгледа делот од плоштадот каде што порано на секој дожд се создаваше вирче и граѓаните не можеа да го користат, знаете како порано тротоарите кај ,Тинекс' беа користени за паркирање. Во моментов се работи и спроти Охридска банка", рече Шилегов“, рече Шилегов.

Градоначалникот на Центар Саша Богдановиќ информира дека во текот на реконструкцијата на скверот ќе се заменат бекатон-плочките и рабниците, ќе се постават нови клупи и корпи, како и посебни контејнери за селектирање на отпад, ново осветлување и ќе бидат засадени дрвја со систем за наводнување.

„За првпат на територијата на Македонија тука ќе бидат поставени паметни клупи од страна на здружението „Гоу грин", кои ќе обезбедат бесплатен интернет и можност за полнење на мобилни телефони", рече Богдановиќ.

Тој информираше дека Еврејската заедница обезбеди донација за нов дрворед од јапонски цреши.

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе