Сите денешни пријави за бомби се лажни, соопшти МВР по проверките

Лажни се сите пријави за поставени бомби, соопшти попладнево0 Министерството за внатрешни работи по извртшените проверки во сите објекти за кои имаше анонимни закани за поставени бомби. Покрај во седум училишта, пријави за бомби имало и во трговските центри „Бисер“, „Ист гејт“, како и во Транспортниот центар (Железничката станица), но и во полициската станица Центар. За првпат закана е испратена и за станбен комплекс, односно големата зграда во Кисела Вода наречена Флет ајрон (Флатирон).

Фото: Роберт Атанасовски - ТЦ „Бисер“

„Министерството за внатрешни работи ја известува јавноста дека се направени сите потребни проверки во врска со денешните пријави од училишта и други објекти во Скопје, кои добиле порака на електронската адреса со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави“, се вели во соопштението на МВР.