Градоначалникот за решавање на проблемот

Шилегов: Скопје има околу 140 дивоградби, општините треба да соработуваат со Град Скопје

На територијата на Град Скопје во моментов има околу 140 дивоградби. Градоначалникот на Град Скопје Петре Шилегов, како и претходно, повтори дека оваа институција нема ингеренции врз нив и оти затоа е потребна соработка со сите скопски општини и градоначалници. Тој очекува решение за ова да се најде и со натамошното спроведување на децентрализацијата.

„Јас неколку пати во изминатоиот период сум го кажал своето мислење за функционирањето на инспекциите на територија на Град Скопје кои се со измешани ингеренции. Очекувам дека во процесот на децентрализација ќе се добие конечно плурализам кога е инспексискиот надзор во прашање помеѓу градот и општините, со цел Градот да има некаква контрола на случувањата на терен“, рече Шилегов одговарајќи на новинарски прашања на прес-конференцијата во општина Аеродром.

Нашата статистика, додаде Шилегов, покажува дека во овој момент на терен има околу 140 дивоградби на територија на Градот и оти тоа е нешто за што сите градоначалници треба да преземат соодветни дејства.

„За да се овозможи нормално функционирање на Градот како институција со цел да се подобри квалитетот на урбанистичкото планирање и да се скрши урбанистичкото дивеење, треба да се создаде еден формален однос меѓу Градот и општините за да се спречи ваква девастација во иднина“, рече скопскиот градоначалник.

Државата Бугарија ги исцрта своите позиции, а државата Македонија не. Сега сме во финалната фаза – за овие прашања да зборуваат партиските водачи – Заев, Мицкоски, а поретко нивните статисти – пратениците и претседателот на Републиката.

повеќе

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе