Ставот е дека не е потребна тешка индустрија

Шилегов: ДУП-овите што беа предмет на расправа во Гази Баба не се доставени на мислење до Град Скопје

Деталните урбанистички планови што вчера беа предмет на јавна расправа во Општина Гази Баба уште не се доставени на мислење до Град Скопје, вели градоначалникот на Скопје, Петре Шилегов. Тој додава дека неговиот став е дека во главниот град воопшто не е потребна тешка индустрија. Јавната презентација за три Детални урбанистички планови во Општина Гази Баба за делот на Железара заврши со голема расправија во исполнетата општинска сала. Екологистите тврдат дека со ДУП-от се предвидува тешка загадувачка индустрија, а тие добија поддршка од дел од советниците.

„Ние сме со став дека во нашиот град воопшто не е веќе потребна тешка индустрија, за жал во некои други времиња било одлучено дека Железара треба да биде во срцето на градот. Градот нема согласност каква било тешка индустрија да се развие понатаму во рамките на комплексот на Железара. Но, ќе го дадеме нашето стручно мислење, комисијата на Градот во моментот кога до нас ќе бидат доставени ДУП-овите. По редот на нешатата тоа доаѓа по јавната расправа“, рече на денешната прес-конференција градоначалникот Шилегов, одговарајќи на новинарско прашање.

Во однос на депонијата меѓу Визбегово и Шуто Оризари, Шилегов изјави дека тој дел е целосно исчистен.

„Ние не можеме перманентно да го чистиме делот, а некој друг да го генерира отпадот, зајакнати се таму инспекциските служби. Не можеме ние веднаш да исчистиме, некој утре да генерира отпад таму и да дежураме таму со нашите машини. Направен е записник и дронски снимки од целокупната депонија во Визбегово и ќе може да видите дека е целосно уредена согласно добиените средства, но нема да дозволам повторно да се генерира нов комунален отпад, нема намера Градот Скопје да биде чистач на нечии неисполнувања на законските обврски. Комуналното претпријатие на Шуто Оризари отпадот треба да го депонира во Дрисла“, рече Шилегов.

Прашан кога ќе се среди салата „Партизан“ во Чаир, градоначалникот рече дека е изработена целосна градежна документација спремна за тендерирање и оти во текот на есента веројатно ќе биде готова. Најави дека пролетва ќе влезат во имплементација на третата фаза и целосна реконструкција на улицата „Индира Ганди“.

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе