РСБСП: Срце си што не возиш пијан

Срце си што не возиш пијан. Среќен празник. Вози одговорно! – е пораката со која Републичкиот совет за безбедност на сообраќајот на патиштата го честита празникот на љубовта и виното, Св. Валентин и Св.Трифун.

Од РСБСП порачуваат дека празниците се денови кога треба да застанете за момент, да одморите и да размислите за себе и за своите најблиски, да размислите за предизвиците, за можностите, за убавините кои ги носи животот. Празниците се време да размислете што Ви нуди љубовта, што е тоа што Ве прави среќни и задоволни, да размислите за тоа како треба да живеете, кои се вашите добри и лоши навики и како да продолжите понатаму во животот.

Според статистиката во просек, 25 проценти од сообраќајните незгоди со потешки последици се предизвикани од млади лица на возраст до 29 години, додека околу 30 проценти од вкупно настраданите лица во сообраќајни незгоди се млади лица на возраст до 29 години.

Сообраќајните незгоди се причина број еден за смртност на младите лица на возраст од 15 до 19 години.

Статистичките податоци покажуваат дека на светско ниво, секоја година околу 400.000 млади луѓе го губат животот во сообраќајни незгоди или дневно се губат околу 1.100 млади животи на патиштата ширум светот. Една од водечките причини за ваквата состојба е возењето под дејство на алкохол.

По повод празниците Св. Валентин или Св.Трифун РСБСП ги повикува младите да си го честитаат празникот на виното и љубовта со емотивни и едукативни пораки и совети: Срце си што не возиш пијан. Среќен празник. Вози одговорно! Срце си што возиш безбедно. Среќен празник. Вози одговорно! Срце си што ги почитуваш сообраќајните правила. Среќен празник. Вози одговорно! Срце си што ги почитуваш сите учесници во сообраќајот. Среќен празник. Вози одговорно! Срци си што користиш сигурносен појас! Среќен празник! Среќен, Св. Валентин или Св.Трифун ! Вози одговорно!

 

Пандемијата со коронавирусот започна во време кога довербата во институциите беше на рекордно ниско ниво. 

повеќе

Најголемата закана од оружје засновано на ВИ не доаѓа од поединечни земји. Заканата ќе дојде од недржавни актери.

повеќе

Потребно е неодложно формирање на државен фонд кој ќе овозможи во прв момент преживување во оваа ситуација...

повеќе